Дэлхийн чансааны хоёрдугаарт эрэмбэлэгдээд буй Испанийн теннисчин Рафаэль Надаль Лондон хотноо болж буй ATP World Tour Finals тэмцээнийг хэсгийн шатнаас орхилоо.

Тэмцээний В группт сугалаа таарсан тэрбээр эхний тоглолтдоо АНУ-ын теннисчин Марди Фишийг ялсан ч дараа нь “Швейцарь цаг” хочит Федерерт хожигдож, улмаар өчигдөр франц теннисчин Жо-Уилфред Цонгад ялагдсанаар тэмцээнийг цаашид үргэлжлүүлэх боломжгүй болсон юм. Дэлхийн чансааны зургадугаарт эрэмбэтэй Цонга 7-6 (7-2); 4-6, 6:3 харьцаатай ялалт байгуулснаар В группээс Федерер, Цонга нар хагас шигшээд өрсөлдөх болж байна. Федерерийн тухайд өчигдөр Марди Фишийг 6-1; 3-6; 6-3 харьцаатай хожсоноор 100 хувийн амжилтаар хэсгээ тэргүүлж байгаа юм.

Тэмцээний А хэсгийн сүүлийн тоглолтууд өнөөдөр болж, хагас шигшээд Федерер, Цонга нартай өрсөлдөх тамирчид тодорхой болно. Улмаар хагас шигшээ тоглолтууд бямба гаригт эхлэх юм.

Видеог ЭНД дарж үзнэ үү.