Бүрэнтогтох сумынхан Хөвсгөл аймгийн төвд анх удаа сум сурталчлах өдөрлөгийг гурав хоног зохион байгууллаа. Хөвсгөлийн төвд байрлах Хотгойдын баатар Чингүүнжавын талбайд тус сумынхан цагаан идээ, гар урлал, үндэсний дээл, гутал зэрэг бүтээгдэхүүний үзэсгэлэн худалдааг гарган иргэдэд үйлчилжээ.

Бүрэнтогтох сумыг сурталчлах өдөрлөгийн хүрээнд иргэд, байгууллагуудын хооронд волейболын тэмцээн болон бөхийн барилдаан болж, нутгийн иргэдийн урлагийн тоглолтыг Мөрөнчүүдэд хүргэжээ.