"Тэмүүжин" спорт сургалтын төвөөс Монголын жүдо бөхийн холбоотой хамтран жил бүр уламжлал болгон зохион байгуулдаг "Тэмүүжин Кап" жүдо бөхийн өсвөр үе, залуучуудын тэмцээн өнөөдөр хоёр дахь өдрөө үргэлжиллээ. Өчигдөр нээлтээ хийсэн тус тэмцээн хөвгүүдийн 13, охидын долоон жинд зохиогдож буй. Тэмцээний нээлтэд МЖБХ-ны ерөнхийлөгч, Зам тээвэр, барилга, хот байгуулалтын сайд, УИХ-ын гишүүн, гавьяат тамирчин Х.Баттулга болон холбооны бусад удирдлагууд оролцжээ.