Арваннэгдүгээр сарын 19-20-нд Голландын Амстердам хотноо болсон жүдо бөхийн гранпри тэмцээнийг Монгол Улсын иргэн, олон улсын I зэргийн шүүгч Д.Баттулга шүүн тунгаагаад ирлээ. Тэрээр Олон улсын жүдо бөхийн холбооны томилолтоор тэнд ажилласан бол тэндээс дараагийн томилолтыг Монголын өөр нэгэн олон улсын шүүгчид илгээжээ. Ирэх сард Японы нийслэлд болох ОУЖХ-ны “Их дуулга” тэмцээнд шүүгчээр ажиллах бүрэлдэхүүнд манай Д.Энхтүвшин багтсан нь энэ.