Их Британийн “News International”-ийн  гүйцэтгэх захирал Жеймс Мурдокийг корпорацийн удирдах зөвлөлөөс огцруулжээ. Алдартай хүмүүсийн гар утсыг хакердсан “News of the World” сониныг хааж, удирдах зөвлөлийн гишүүн Ребека Бруксыг баривчлахад Жеймс Мурдокийг мөн энэ хэрэгт сэжиглэж байсан билээ.  Улмаар “The Times of London”,” The Sun”, “Times” зэрэг сониныг эрхлэн гаргагч “News Group”-ийн удирдах зөвлөлийн гишүүн Жеймс Мурдокийг огцруулах болсныг корпорацийн удирдлагын зүгээс өчигдөр албан ёсоор мэдэгдсэн байна.  Гэсэн ч Жеймс Мурдок  “News International” корпорацийн гүйцэтгэх захирал хэвээр үлдэх гэнэ.

Их Британийн хамгийн их борлуулалттай “News of the World” сонины ажилтнууд хэдэн мянган хэрэглэгчийн и-мэйл, гар утсыг хакердсан нь тогтоогдож, гэмт хэргийн хохирогчийн талаар худал мэдээлэл цацсан нь тогтоогдсон тул өнгөрсөн долдугаар сард хаагдсан юм. Түүнээс гадна гэмт хэргийн тухай мэдээлэл олж авахын тулд цагдаагийн ажилтнуудад хээл хахууль өгч байсныг ч мөн тогтоосон билээ. “News International”-ийн  эзэд болох эцэг, хүү Мурдокийг Их Британийн парламентад дээрх хэргийн талаар үнэнийг өчихийг шаардахад тэд хакердаж, тагнаж чагнасан хэрэгт холбоогүй гэж мэдэгдсэн билээ. Өнгөрсөн сард болсонкорпорацийн удирдах зөвлөлийн хурлын үеэр хувьцаа эзэмшигчдийн 35 хувь нь  Жеймс Мурдокийг удирдах зөвлөлд үлдээхээс татгалзсан билээ.