Австрийн Инсбрук хотод ирэх оны нэгдүгээр сарын 13-22-нд залуучуудын өвлийн олимпийн анхдугаар наадам болно.

Монголын тэшүүрийн холбоо тус наадамд залуу тамирчнаа оролцуулах зорилго тавин ажиллаж буй.

Саяхан “Инсбрук-2012” наадмын эрх олгох тэмцээн Канад, Норвеги, Германд болж, Монголын залуу тэшүүрчин А.Энх-Ариун олимпийн эрхийн болзлыг урьдчилсан байдлаар биелүүлсэн тухай Монголын тэшүүрийн холбооноос мэдээлэв. Албан ёсны хариуг ирэх сарын дундуур ОУОХ-ноос дуулгах ажээ.

Түүнчлэн Д.Чагнаа дасгалжуулагчтай өсвөр уулын цаначид олимпийн эрх олзлохоор Швейцарь улсыг зориод байгаа билээ.