Энэ сарын 16-17-нд ОХУ-ын Улаан-Үд хотноо Оросын гавьяат дасгалжуулагч Г.Махутовын нэрэмжит чөлөөт бөхийн олон улсын тэмцээн боллоо. Тэмцээнд манай улсаас долоон бөх хүч үзсэнээс спортын мастер Б.Одгэрэл 120 кг-д мөнгө, спортын мастер Г.Амархүү 55 кг-д хүрэл медаль хүртсэн байна. Медаль зүүсэн хоёр бөх хоёулаа “Хасу Мегаватт” клубийн тамирчид ажээ.

Түүнчлэн АНУ-ын “Нью-Йорк Опен” олон улсын тэмцээнд хүч сорьж, тэмцээний дараа Нью-Жерси, Колорадо-Спрингс хотноо 14 хоногийн хамтарсан бэлтгэл бэлтгэл базаасан манай улсын чөлөөт бөхийн шигшээ багийнхан өчигдөр эх орондоо ирлээ.