Монголын хөрөнгийн биржийн дэргэдэх сургалтын төв нь 2005 оноос эхлэн үнэт цаасны зах зээл сонирхогчдод системтэй мэдлэг олгох, иргэдийг энэ зах зээлд зөв оролцон жинхэнэ “тоглогч” болгох зорилгоор үнэт цаасны зах зээлийн суурь мэдлэг олгох сургалтыг 50 гаруй удаа зохион байгуулсан билээ. Тус сургалтыг иргэд, олон нийт ихээхэн сонирхож, идэвхтэй хамрагдаж буй бөгөөд өнгөрсөн хугацаанд 1400 гаруй хүн суралцаж төгсөөд энэхүү зах зээлд ажиллан үндэсний мэргэжилтнүүдийн тоог багагүй нэмжээ. Тэгвэл энэ жилийн хамгийн сүүлийн сургалт 2011.11.28-ны өдрөөс эхлэх бөгөөд сургалтын бүртгэл явагдаж байна. Сургалттай холбоотой мэдээллийг 313747 дугаарын утаснаас авч болохоос гадна Монголын хөрөнгийн биржийн www.mse.mn цахим хуудсаар орж, “сургалт” гэсэн хэсэгт хандан бүртгүүлж болох юм байна. Тус сургалтад үнэт цаасны зах зээл дээр үйл ажиллагаа явуулж буй мэргэжилтнүүд болон шийдвэр гаргах эрх бүхий албан тушаалтнууд хичээл заадаг нь суралцагсдын хувьд “халуун тогоонд” нь ажиллаж буй хүмүүсээс мэдээлэл сонсох, сонирхсон чиглэлээрээ зөвлөгөө авах боломж олгодог байна.