Бэнди буюу бөмбөгтэй хоккейн дэлхийн аварга шалгаруулах тэмцээнд Монголын шигшээ баг оролцохоор бэлтгэлээ базааж байна. Уг тэмцээн ирэх оны хоёрдугаар сард Казахстаны Алматы хотноо болох юм. Манай улсад энэ спорт хөгжөөд удаагүй байгаа ч Азийн өвлийн спортын наадмаас мөнгөн медаль хүртэж байсан. Тэгвэл ДАШТ-д ч гэсэн өндөр амжилт үзүүлэх боломжтой гэдгийг холбооныхон ярьж байна. Монголын шигшээ ДАШТ-д анх удаа оролцох гэж байгаа юм. Өнгөрсөн жил Азийн өвлийн спортын наадамтай давхацсан тул оролцоогүй ажээ.