Интернетэд ээлжит видео-сенсааци дэгдлээ. Францын зураач Микаэль Рейногийн (Micaël Reynaud) Amalgamation (“Уусал”) хэмээх видео бүтээлд нэг дүрслэл нөгөө рүүгээ аажим уусч шингэх бөгөөд сахалтай өвгөн инээмсэглэсэн бүсгүй болж, тэр нь сэвхтэй банди, цаашлаад шилтэй авгай болж гайхамшигтай мутаци урсана.

Энэхүү бүтээлд Рейно, Сан-Францискогийн гэрэл зурагчин Майкл Чаны (Michael Jang) “Цаг агаар” (1983) цуврал зургийг ашиглажээ. Энэ цувралд тухайн үедээ орон нутгийн ТВ-ийн цаг агаарын мэдээний хөтлөгчийн ажлын шалгаруулалтанд оролцож байсан хүмүүсийн төрх бууж үлдсэн юм.

Хөдөлгөөнт GIF технологийн морфингоор хийсэн энэ бүтээл хөгжмийн аясаар хурдалж, удаашрах бөгөөд Vimeo портал дээр хэдхэн хоногийн өмнө тавигдсанаасаа хойш үзсэн, татсан хэрэглэгчийнхээ тоогоор толгой цохиж байна.

Видео: http://www.youtube.com/watch?feature=player_embedded&v=5lugDrGlQTQ

Эх сурвалж:http://motionographer.com