Монголын Үндэсний эрх чөлөөний хөдөлгөөний болон орчин цагийн дипломат алба үүсч хөгжсөний 100 жилийн ойг тохиолдуулан Швед болон Скандинавын орнуудад сурч, ажиллаж, амьдарч буй Монгол Улсын иргэдэд зориулан ЭСЯ-наас “Нээлттэй хаалганы өдөр”-ийг Стокгольм хотноо зохион байгуулах гэж байна. Энэ тухай мэдээллийг Стокгольм дахь Элчин сайдын яамнаас ирүүллээ. “Нээлттэй хаалганы өдөр”-ийн үйл ажиллагаа Туннелбанын “Alvik” буудлын урд талд “AlviksTorg” төвийн ойролцоо байрлах “GAMLATRYCKERIET” соёл, амралтын төвийн байранд арваннэгдүгээр сарын 26-ны бямба гарагт 14.00-22.00 цагийн хооронд болох ажээ.

“Нээлттэй хаалганы өдөр”-ийн хүрээнд:

14.00-16.00   ЭСЯ-ны ажилтнууд иргэдэд консулын үйлчилгээ үзүүлж, Иргэний шинэчилсэн бүртгэл явуулна.

16.00-17.00    ЭСЯ байгуулагдснаас хойш хийж буй ажил, цаашид явуулах үйл ажиллагааны талаар Элчин сайд Б.Энхмандах танилцуулга хийнэ.

17.00-18.00    Монгол орны улс төр, нийгэм эдийн засгийн өнөөгийн байдал, хөгжлийн асуудлаар МУИС-ийн НШУС-ийн Проф. Ц.Ганболд, Дэд Проф С.Мөнхбат нар мэдээлэл хийнэ.  

18.00-19.00    Чөлөөт ярилцлага хийж, иргэдийн сонирхсон асуултад Элчин сайд Б.Энхмандах, МУИС-ийн Проф. Ц.Ганболд, Дэд Проф С.Мөнхбат нар болон ЭСЯ-ны ажилтнууд хариулт  өгнө.

19.00-20.30    “Хосоо – ТрансМонголиа” хамтлагийн тоглолт болно.