Засгийн газрын ээлжит хуралдааныг өнөөдөр 10.00 цагт зарлаад байна. Түүгээр долоон асуудлыг хэлэлцэн шийдвэрлэхээр төлөвлөсний зэрэгцээ таван асуудлыг танилцуулахаар хэлэлцэх асуудлын дараалалд оруулжээ. Тухайлбал, хэлэлцэн шийдвэрлэх асуудлын жагсаалтад  Засгийн газрын тогтоолын хавсралтад нэмэлт, өөрчлөлт оруулах тухай, Дипломат харилцаа тогтоох тухай, Элчин сайдын яамны орон тооны тухай,  Аж ахуйн тооцоотой үйлдвэрийн газар байгуулах тухай, ”Шинэ бүтээн байгуулалт” хөтөлбөрийн хүрээнд Авто замын  болон Эрчим хүчний талаар авч хэрэгжүүлэх арга хэмжээний тухай,  Сэтгэцийн эрүүл мэндийн тухай хуулийн төсөл багтжээ. Харин танилцуулах асуудлын жагсаалтад нэг нууц асуудал багтсан. Энэ асуудлыг Зам, тээвэр барилга хот байгуулалтын сайд Х.Баттулга оруулна.  Мөн Хууль тогтоомж, Засгийн газрын шийдвэрийн хэрэгжилтийн 2011 оны III улирлын дүнгийн тухай, Засгийн газрын шийдвэрийн хэрэгжилтийн 2011 оны 10 дугаар сарын үйл ажиллагааны товч мэдээлэл, Мал өвөлжилтийн бэлтгэл хангасан дүнгийн тухай мэдээлэл сонсох юм байна.