Кантри дуучин Taylor Swift  “American Music Awards -2011” хөгжмийн наадмын гурван шагналын эзнээр тодорч, энэ жилийн шилдэг уран бүтээлч эмэгтэйгээр шалгарсан байна. Английн дуучин бүсгүй Аdele гол шагналын эзэнд нэр дэвшсэн ч хоёр шагналын эзэн болжээ. Энэ жилийн шилдэг уран бүтээлч эмэгтэйгээр шалгарсан Taylor Swift  энэхүү шагналыг хүртсэн нь түүний хувьд гэнэтийн бэлэг болжээ.

Харин энэ оройн нэгэн сонирхол татсан үйл явдал нь дуучин Lady Gagа гар хоосон гэртээ харьсан нь байв. Мөн өнгөрсөн жилийн шагналын хэд хэдэн эзнээр тодорч байсан дуучин Justin Bieber нэг ч шагнал авч чадсангүй.  Soul аnd R&B шилдэг эмэгтэй дуучнаар  Beyonce  шалгарсан боловч тэрбээр энэхүү наадамд өөрийн биеэр хүрэлцэн ирж чадаагүй байна.  Шилдэг эрэгтэй R&B дуучнаар Asher  тодорсон бол дуучин Rihanna шилдэг цомгийн эзнээр тодорчээ.