Гадаад харилцааны дэд сайд Б.Болор олон улсын харилцаа, олон улсын худалдаа болон гадаад харилцааны чиглэлээр суралцаж буй оюутнуудын төлөөллийг хүлээн авч уулзсан байна.

Уулзалтанд МУИС, ШУТИС, Хүмүүнлэгийн ухааны их сургууль, Олон улс судлалын дээд сургууль зэрэг сургуулиудын 80 гаруй оюутнууд оролцож, Монгол Улсын гадаад бодлогын үзэл баримтлал, гадаад харилцааны ололт, амжилт, цаашдын зорилт зэрэг олон асуудлаар дэд сайд Б.Болортой харилцан санал солилцжээ.