Поп опера урсгалаар уран бүтээлээ туурвидаг “Нюанс” хамтлагийнхан ирэх сарын 6-нд 10 насныхаа төрсөн өдрийн баярыг фэнүүдийнхээ хамт тэмдэглэх гэж байна. Тэдний 10 насны төрсөн өдрийн хүндэтгэлийн тоглолтод өнгөрсөн хугацаанд туурвисан дөрвөн цомог, 100 уран бүтээл, 20 клипнийхээ дээжээс шилдэг, хит дуунуудаа өргөн барих аж. Тэдний тоглолт Улсын дуурь, бүжгийн эрдмийн театрт болох бөгөөд тасалбарыг өчигдрөөс эхлэн худалдаалж эхэлжээ. Тус хамтлагийн тоглолтын тасалбарын хувьд зургийн цомог шиг хэвлэж гаргасан бөгөөд 50,000 төгрөгийн үнэтэй гэнэ. Энэ талаараа “Нюанс” хамтлагийнхан хэлэхдээ “Манай тоглолтыг 500-хан хүн үзэх учир бид тасалбараа 50,000 төгрөгөөр үнэлсэн. Бидэнтэй хамт 10 жил байсан үзэгчидтэйгээ тэмдэглэх учир гоё тоглолт болно оо” хэмээн мэдээлжээ. Тоглолтын тасалбарын УДБЭТ-ын кассаар борлуулж байгааг дуулгая.