Хууль зүйн үндэсний хүрээлэнгийн хурлын танхимд Монгол Улсад бүртгэлийн байгууллага үүсч байгуулагдсаны 71 жилийн ой, “Бүртгэлийн ажилтан”-ы өдрийг энэ сарын 23-нд тэмдэглэх ажлын хүрээнд “Улсын бүртгэлийн өнөөгийн байдал, цаашдын чиг хандлага” сэдэвт эрдэм шинжилгээний  бага хурал  боллоо. Тус хурлыг МУИС-ийн ХЗДС-ийн Иргэний эрх зүйн тэнхим, Хууль зүйн үндэсний хүрээлэнтэй хамтран зохион байгуулсан бөгөөд Монгол Улсын бүртгэлийн байгууллагын үйл ажиллагааны өнөөгийн байдал,  цаашдын зорилт, чиг хандлага, холбогдох эрх зүйн зохицуулалтыг боловсронгуй болгох, өнгөрсөн болон өнөөгийн төвшинг хэлэлцэж, санал солилцох зорилготойгоор зохион байгуулжээ.