“Малын
удмын сан эрүүл мэндийн тухай” хууль, ”Монгол мал” үндэсний хөтөлбөрийн
хүрээнд  Хүнс, хөдөө аж ахуй, хөнгөн үйлдвэрийн сайдын тушаалаар
аймгуудаас шалгарсан 21 аж ахуйн нэгжид нийтдээ 500 сая төгрөгийн малын
эмийн хангамжийн сүлжээг байгуулан ажиллуулахаар болжээ. Шалгарсан аж
ахуйн нэгжүүдэд энэ талаарх сургалтыг саяхан зохион байгуулсан байна.
Мөн дээрх аж ахуйн нэгжүүдэд тухайн аймгийн малын тоо толгой, үйл
ажиллагаа явуулж байгаа мал эмнэлгийн үйлчилгээний нэгжийн тоо, өвчний
эрсдэлийг харгалзан нэг аймагт 12,5-35,2 сая хүртлэх төгрөгийн
санхүүжилтийг гурван жилийн хугацаатайгаар тусгай зээлийн болон
барьцааны гэрээг байгуулан олгохоор болсон байна.