Тун удахгүй ашиглалтад хүлээлгэн өгөхөөр төлөвлөөд байсан Тусгаар тогтнолын ордонд /МАН-ын шинэ байр/ өнөөдөр гал гарлаа. Галын дуудлага Нийслэлийн онцгой байдлын шуурхай албанд 11.38 цагт ирсэн байна. Барилгын 7, 8 давхраас гал гарч эхэлсэн бөгөөд одоогоор албаныхан галын шалтгааны талаар мэдээлэл өгөх боломжгүй байна гэлээ. Дуудлагын дагуу гал унтраах дөрвөн ангийн бие бүрэлдэхүүн ажилласан байна.

Дашрамд сануулахад, УИХ-ын 2008 оны сонгуулийн үр дүнг эсэргүүцсэн жагсагчид МАН-ын байрыг галдан шатааснаар ашиглах боломжгүй болж, шинээр сэргээн босгох их ажилд орсон юм. Тодруулбал, 2009 оны долдугаар сараас “Өндөр буянт” компани Тусгаар тогтнолын ордонг барьж эхэлсэн бөгөөд энэ оны есдүгээр сард ашиглалтад хүлээлгэн өгөхөөр төлөвлөсөн ч, нарийн засал чимэглэлийн ажил дуусаагүй тул үргэлжлүүлэн хийж байсан юм. Тус барилгыг барихдаа улсын төсвөөс зургаан тэрбум төгрөг гаргасны зэрэгцээ намынхаа гишүүд дэмжигчдээс тодорхой хэмжээний хандивыг авсан. Нийтдээ 14.7 тэрбум төгрөг зарцуулаад байна гэсэн мэдээллийг өнгөрсөн онд холбогдох хүмүүс өгч байсан билээ.

Зургийг ЭНД дарж үзнэ үү

Бичлэгийг ЭНД дарж үзнэ үү

Бичлэгийг ЭНД дарж үзнэ үү