Холливудын жүжигчин Деми Мур 15 насаар дүү нөхрөөсөө салахаар шийджээ. Жүжигчин Эштон Катчер эхнэрээ хуурч, өөр бүсгүйтэй нэр холбогдох болсон тухай мэдээлэл хоёр сарын өмнөөс эхлэн хэвлэлээр гарах болсон нь түүнийг ийн хамтын амьдралаа эцэслэхэд хүргэсэн бололтой.

Холливудын хамгийн сайхан хос гэгдэж байсан Деми, Эштон нар салсан ч цаашид сайн харилцаатай хэвээр үлдэнэ хэмээн бие, биедээ амласан гэнэ. Эштон Катчер Twitter-тээ “Демитэй хамт амьдарч байсан үеэ үргэлж сайхнаар дурсах болно. Гэвч гэрлэлт гэдэг хамгийн хэцүү зүйл” хэмээн бичсэн бол Деми өөрийнх нь төдийгүй гэр бүлийнхэнд нь ч хэцүү байгаа тул түүний хувийн асуудалд хүндэтгэлтэй хандахыг хүсчээ.

Н.Энх