“Монгол ньюс” мэдээллийн төвд өнөөдөр “FM Group Mongolia” компаниас хэвлэлийн бага хурал хийлгэж, үйл ажиллагааныхаа талаар мэдээлэл өглөө. Хуралд дэлхийн 66 оронд үйл ажиллагаа явуулдаг “FM Group World” компанийн дэд ерөнхийлөгчийн бие төлөөлөгч Ирэк Стермах, түүний гэргий, “FM Group”-ын Украйн дахь салбарын захирал Доматта Стермах, “FM Group Mongolia” компанийн ерөнхий захирал Н.Мөнхдорж, тус компанийн анхны лидер Н.Баасанцэцэг, тус компанийн гадаад харилцаа, маркетингийн менежер Н.Оюунханд болон “FM Group Mongolia” компанийн гүйцэтгэх захирал Н.Мөнхболд нар оролцсон юм.

“FM Group Mongolia” компани Монголд албан ёсоор үйл ажиллагаагаа эхлүүлэхэд бэлэн болсон бөгөөд “FM Group World” компанийн 67 дахь салбар болж, албан ёсны эрхтэйгээр үйл ажиллагаагаа явуулах юм байна. “FM Group World” компани дэлхийн хэмжээнд multi-level-marketing системээр ажилладаг бүх компаниудын толгой компани бөгөөд сүрчиг, нүүр будалт, гар, биеийн том, гэр ахуйн хэрэглээний бүтээгдэхүүнийг хэрэглэгчдэд хямд үнээр нийлүүлдэг аж. Монгол дахь тус компани нь “Санхүүгийн эрх чөлөөнд хамтдаа” уриан дор ажиллах юм. Ингэхдээ сүлжээний бизнесийн журмаар ажиллах бөгөөд өндөр төвшинд амжилт гаргасан лидерүүдээ “Volkswagen” маркийн автомашинаар урамшуулах гэнэ.