Төрийн ордонд маргааш буюу 19-ний бямба гаригт нэгэн сонирхолтой үйл явдал болох гэж байна. Бямба гаригийн өглөө 11.00 цагаас Төрийн ордонд нийслэлийн Сонгинохайрхан дүүргийн 805 залуу Ардчилсан намд элсч батлахаа гардан авах юм байна. Залууст Ардчилсан намын батлахыг УИХ-ын гишүүн Н.Алтанхуяг, Д.Кёкүшюзан Батбаяр, тус дүүргийн Ардчилсан намын дарга, Монгол Улсын Ерөнхийлөгчийн хот, хөдөөгийн бодлого хариуцсан зөвлөх Л.Эрхэмбаяр нар гардуулах аж.

Улс төрийн намыг 801 хүний гарын үсэгтэйгээр байгуулдаг. Тэгвэл Ардчилсан намд нэг дүүргээс нэг дор нам байгуулах хэмжээний залуус элсэх гэж байгаа нь содон үйл явдал юм.