Орон нутгийн хэвлэл, мэдээллийн ажилтнууд Улаанбаатар хотноо хоёр дахь
өдрөө чуулж байна. Тэд өчигдөр улсын II зөвлөгөөнөө хийсэн юм. Харин
өнөөдөр Орон нутгийн хэвлэл, мэдээллийн холбооны III их хурлаа зохион
байгуулж, шинэ тэргүүнээ сонгох нь ээ. Дөрвөн жилд нэг удаа болдог
энэхүү арга хэмжээнд 21 аймаг, Налайх, Багануур дүүргийн телевиз, радио,
сонины 60 орчим сэтгүүлч оролцож, тулгамдсан асуудлаа хэлэлцэж байгаа
юм.