“Хас” банкны гол хөрөнгө оруулагчдын нэг, ТУЗ-ийнх нь дарга Ч.Ганболд хэмээх цуутай жентельмен эр бий. Ч.Ганболд гэдгээр илүүтэй таних тэрбээр Монголын хамгийн өндөр цалинтай эрхмээр тодроод буй. Энэ эрхмийн төрсөн эгч Ч.Энхтуяа хэмээх эрхэмсэг хатагтай бий. “Сансилк”, “Омо”, “Dove” гээд монголчуудын ахуйн хэрэглээний зах зээлд барууны гоё чамин брэндүүдийг анхлан оруулж ирсэн “Даламал Монгол лимитед” компанийг үүсгэн байгуулагч энэ бизнесмэн хатагтай Дуурийн ягаан байшингаас нэг салдаггүй үнэнч үзэгч. Дэмжигчдийн нэг: Урлагт элэгтэй энэ хатагтай, эрдэмтэй гэгчийн үлгэрээр өөрийгөө захирал ч гэж танилцуулахаас зайлсхийдэг даруу нь дэндсэн бүсгүй.