МАХН-ын дарга Н.Энхбаяр, ерөнхий нарийн бичгийн дарга Н.Удвал нар аравдугаар сарын дундуур хэвлэлийн бага хурал хийлгэж, УИХ-ын гишүүн, Хууль зүй, дотоод хэргийн сайд Ц.Нямдоржийн байр суурь, өмч хөрөнгийн талаар мэдэгдэл гаргасан билээ. Мэдэгдлийнхээ дагуу тэд Ц.Нямдорж сайдын ёс зүйтэй холбоотой асуудлаар УИХ-ын Хүний эрхийн дэд хорооны дарга Х.Тэмүүжин, Ёс зүйн дэд хорооны дарга Г.Баярсайхан нарт хандаад байсан юм. Сая МАХН-ын ерөнхий нарийн бичгийн дарга Н.Удвал УИХ-ын Хүний эрхийн дэд хорооны дарга Х.Тэмүүжинтэй уулзаж, мэдэгдлийн хүрээнд хийж буй ажлын явц байдлын талаар тодрууллаа. Түүнд Х.Тэмүүжин гишүүн “Мэдэгдэл дээр ажиллаж байгаа. Ажил явж байна” гэсэн хариу өгчээ.