УИХ-ын
гишүүн Ц.Даваасүрэн Хөвсгөл аймагт ажиллаж байгаа аж. Чингэхдээ Хөвсгөл
аймгийн Тосонцэнгэл сумын нутаг Мангас дардаг толгойн үзүүрт 
МҮОНТ-ийнхэнтэй хамтран “Адуучин” нэвтрүүлгийг зохион байгуулж, таван
сумын иргэдийг оролцуулан наадам шиг юм хийж буй бололтой. Тосонцэнгэл,
Түнэл, Рашаант, Төмөрбулаг зэрэг таван сумын адуучин залуус цуглачихсан
моринд хэр эртэйгээ үзүүлж буй юм байх. Хэдийгээр Хөвсгөлд цас нэлээд
орчихсон, жавартай байгаа ч адуучин залуусын хацарнаас улаа бутарч, хэр
иртэйгээ харуулж буй гэх. Сонгуулиа гэж энэ хэдэн гишүүдийг юм юм л
санаж сэдэхэд хүргэх нь дээ, дээр нь амрах ч чөлөө олгохгүй.