Дөнгөж 30 насыг шүргэж яваа залуухан зохион бүтээгч Карл Миле шинийг эрэлхийлэх хязгааргүй хүсэл тэмүүлэл, өвөрмөц сэтгэх авьяасаараа бусдаас ялгарч байлаа. Хэдийгээр барилгын бизнесийн өв залгамжлагч, Германы хүчирхэг нэгэн гэр бүлийн гишүүн байсан ч гэлээ зүгээр суугаад тансаг амьдралаар замнахыг бодсонгүй. Харин өөрийн гараар гэрэлт ирээдүйгээ бүтээхийг хүсчээ. Энэ мөрөөдөлдөө хүрэхийн тулд төөлбөл бие чацуу, тоолбол нас тэнцүү Рейнхард Цинкан хэмээгч залуутай танилцаж бизнесийн гараагаа эхлэхээр шийджээ. Карл Миле гайхамшигтай инженер байсан бол Рейнхард Цинкан Эскимосчуудад хөргөгч зарж, Африкийн бушмануудад гутал худалдаж чадахуйц сүйхээтэй борлуулагч байв. Карл Милегийн хөдөлмөрч, уйгагуй зан чанар Цинканы авхаалжтай, сэргэлэн бодлоготой гайхалтай сайн зохицож байлаа. Үүнд урамшсан залуус өөрсдийн компаниа байгуулан “Miele”хэмээн нэрийджээ. Ингэж тэдний насан туршын нөхөрлөл болоод ажил хэргийн амжилтийн үндэс тавигдав. Энэ бол тэртээх 1899 он байсан юм. Шинэхэн үйлдвэрийн анхны бүтээл болох сүүнээс цөцгийг ялгагч машин нь тухайн үедээ Германы гэрийн эзэгтэй нарт туйлын ихээр таалагдаж, технологийн их тэсрэлтийг хийж байсан гэдэг.

Өнөөдөр “Miele” дэлхийн өнцөг булан бүрт байрлах 45 салбар төлөөлөгчөөрөө дамжуулан дээд зэргийн чанартай бүтээгдэхүүнүүдийг хэрэглэгчдэд хүргэж байна. 100 гаруй жилийн өмнө үүсгэн байгуулагчдын хэлсэн" Өөрийн бүтээгдэхүүний чанарт бүрэн хариуцлага хүлээж чадсанаар л амжилтаа үүрд хадгалж улам хөгжиж чадна" гэсэн гол философи одоог хүртэл тасралтгүй үргэлжилж, төгс чанарыг бүтээсээр байна. Магадгүй энэ нь Миле, Цинкен нарын удмынхан 4 үе дамнан компаниа удирдаж буйтай холбоотой байж болох юм. Нэгэн удаа ерөнхийлөгч Маркус Миле  “Танай үйлдвэрийн нууц юундаа байна вэ” гэсэн сурвалжлагчийн асуултанд “Бид хэрэглэгчдэд юу хамгийн их хэрэгцээтэй байгааг судлахад гол анхаарлаа хандуулж, дараа нь бүтээгдэхүүнийхээ эд анги бүрийг өөрсдөө үйлдвэрлэхийг зорьдог. Энэ нь нийгмийн зүгээс бидэнд итгэх итгэлийг нэмэгдүүлдэгт л гол амжилт маань оршдог” хэмээн хариулжээ. “Miele” компанийн 2,8 тэрбум доллараар хэмжигдэх баялгийг дэлхийн өнцөг булан бүрт амьдарч буй 16 мянга гаруй ажилчид нь бүтээж байна. Энэ хөрөнгийн үлэмж хэсэг буюу 150 сая орчим доллар судалгаа шинжилгээ, технологи хөгжүүлэлтэд зориулагддаг болохоор жил бүр хэдэн зуун шинэ бүтээгдэхүүн зах зээлд нэвтэрдэг. Зөвхөн 2001-2005 оны хооронд гэхэд л Германы Патентын Газарт 350 бүтээгдэхүүнээ бүртгүүлж өмнө байгаагүй дээд амжилт тогтоосон байна.

Энгийн цахилгаан бараанаас 3-4 дахин их буюу 20-иос дээш жил ашиглагддаг, үйлдвэрээсгарахдаа олон удаагийн туршилтанд ордог болохоор бүтээгдэхүүн ньөөрөө чанарын тэмдэгт болжээ. Тиймийн учир өөр хаана ч байхгүй 7-10 жилийн үйлдвэрийн баталгааг бүтээгдэхүүн бүр дээрээ бардам өгч чаддаг билээ. Үе үеийн язгууртнууд, нэртэй бизнесмэнүүд, урлаг спортын одод “Miele”-г хэрэглэж өөрсдийн нэр хүнд, нийгэмд эзлэх байр сууриа тодорхойлдог. Хамгийн сүүлийн жишээ дурдьхад орчлонгийн хамгийн өндөрт тооцогдох Бурж Халиф цамхагт байрлах 900 супер зэрэглэлийн хувийн орон сууцыг тэр чигээр нь “Miele” брэндээр тохижуулжээ. Мөн түүнчлэн Английн хатан хаан II Элизабетагийн ордон, Японы эзэн хааны ордон, Шведийн эзэн хааны ордон, АНУ-ын Цагаан ордон, ОХУ-ын Кремлийн ордон, Ромын Ватиканий ордон зэрэг газарт үйлчилгээний албандаа зөвхөн “Miele”-г ашиглахыг зөвшөөрдөг ажээ.

Монгол хэрэглэгчдэд энэхүү шилдэг брэндийг эх орноосоо албан ёсны баталгаатайгаар худалдан авах боломж аль хэдийнээ бүрдсэнийг дуулгахад таатай байна. 2007 онд “Бодь электроникс” компани “Miele” брэндийн албан ёсны дистрибьютер болсноос хойшхи 4 жилийн хугацаанд Монголын өндөр зэрэглэлийн барилга, оффис, чанарыг эрхэмлэгч гэр бүлүүдийн байнгын хэрэглээ болж чаджээ. Эрхэм та тус брэндийн ShowRoom – ээр зочилохыг хүсвэл баруун дөрвөн замд байрлах ENTERA дэлгүүрийг зориорой.