Үл танигдах этгээдүүд Мексикийн баруун хэсэгт болж байсан волейболын тэмцээний үеэр зэвсэгт халдлага хийж, найман хүнийг талбай дээр нь хөнөөсөн байна. Мөн таван хүн шархаджээ. Уг хэрэг нь Синалоа мужийн Кульякан хотод гарсан байна. Гэрчүүдийн яриагаар хэдэн зэвсэгт дайчин тэмцээнд оролцогсод руу довтолжээ. Багтай хоёр хүн тэдэнд хэнийг буудахыг зааж байсан гэнэ. Тамирчдаас гадна үзэгчид ч хохиров.

Үүнийг орон нутгийн гэмт хэргийн бүлэглэлийнхний сөргөлдөөний ээлжит явуулга гэж мужийн прокурор мэдэгдсэн байлаа. Синалоа гэсэн нэртэй хар тамхины наймаачдын бүлэглэл уг мужид байдаг ба Мексиктээ хамгийн хүчирхэг гэмт хэргийн бүлэг гэж тооцогддог. Тэд хар тамхины наймаагаар жилдээ 300 хүртэл сая ам.доллар олдог ба хар тамхиа нууцаар АНУ-д гаргадаг ажээ.