Сүүлийн жилүүдэд Монголд бөө, удган нар олноороо төрж, шашны зан үйлийн нөлөөгөөр Туул голын ойр орчмын мод чулуу хадганд “боодолтой” болсон. Байгаль дэлхийгээ хайрлах, хоггүй эрүүл орчинг бүрдүүлэхээр өчигдөр “GTE” нийгэмлэгээс Туул гол орчмын хадгийг цэвэрлэх “Хадаг” төсөл хэрэгжүүлэхээр болсон тухайгаа мэдээлсэн юм.

Өнөөдөр эхэлж буй эл төсөл хоёр өдөр үргэлжилэх юм байна. Төслийн хүрээнд хамтран ажиллах байгуулагуудын бүртгэл, нээлтийн ажиллагаа өнөөдөр болох бол маргааш Яармагийн гүүрнээс Баянзүрхийн гүүр хүртэл нийт 12 километр замыг явган туулж, хадаг, хогийг цэвэрлэх гэнэ. Тэдэнтэй "Усны хэрэг эрхлэх газар", "Тэнгэрлэг бөө" сэтгүүл, төрийн болон хувийн өмчийн байгууллагууд, мөн хэвлэл мэдээллийн хэрэгслүүд хамтран ажиллахаар болжээ.