Өмнөговь аймгийн Цогтцэций суманд өнгөрсөн шөнө эхнэрээ зодож амь насыг нь хөнөөсөн ноцтой  хэрэг гарчээ. Энэ талаар  тус аймгийн цагдаагийн  газрын дарга н.Отгонбатаас тодруулахад “Аймгийн төвд өнөө өглөө/өчигдөр/ хэргийн талаарх дуудлага ирсэн. Дуудлагын дагуу ажлын  хэсэг байгуулан бүрэлдэхүүн  хэрэг гарсан сум руу явсан байна. Цогтцэций сумын харьяат 30 настай М нь өөрийн эхнэр Манлай сумын харьяат 34 настай Б-г согтуурсан үедээ зодож, улмаар аминд хүрсэн. Одоогоор сумын цагдаагийн хэлтэстэй хамтраад мөрдөн байцаагч, шинжээчид хэргийн газарт нарийн үзлэг шинжилгээ хийн ажиллаж байна” гэх хариулт өглөө.