Спрайт хөгжлийн лигийн өнгөрсөн жилийн аваргаар тодорч байсан “CRM Шонхорууд” баг  Спрайт супер лиг рүү дэвшин орсон ч  эргээд хөгжлийн лиг  рүүгээ унасан.  Есдүгээр сарын 24-нд эхэлсэн Спрайт хөгжлийн лигт  бүсийн дивизоныг толгойлж байсан “CRM Шонхорууд” баг  нэг ч хожигдолгүй тэмцээнээ үргэлжлүүлж байсан ч өнгөрсөн тойргийн тоглолтод энэ жилийн анхны хожигдлоо хүлээлээ. Өнгөрсөн жилийн аварга багийг “ХХБ” баг 58:51 харьцаатай буулган авчээ.

Мөн өмнөх тойрогт анхны хожигдолоо хүлээгээд байсан  баруун бүсийн Суруга Монгол дивизоны  “Налайх Ирээдүй” баг  өнгөрсөн тойрогт  хоёр дахь хожигдлоо амслаа.  Спрайт хөгжлийн лигийг муу үр дүнтэйгээр эхлэж байсан  УБИС-ийн баг “Налайх Ирээдүй” багийг 74:55 харьцаатайгаар илүүрхсэн байна.  УБИС-ийн багийн хувьд дивизон толгойлсон Суруга Монгол багийг өмнөх долоо  хоногт  мөн хожсон билээ. Спрайт хөгжлийн лигийн плей-офф эхлэхэд хэдхэн тойрог  үлдээд байна.