Тэд өчигдөр Сүхбаатарын талбайд саатаж, хөгжөөнт тоглоом тоглон цагийг зугаатай өнгөрүүллээ. Аялалд хамрагдсан хүүхдүүд улсын чанартай музей тайлбартай үзэх, эх орныхоо түүх соёлтой танилцах гээд оюуны хэрэгцээгээ хангадаг аж. Тус компани  энэ аяллыг 12 дахь жилдээ зохион байгуулж буй гэнэ. Аялалд Сэлэнгэ аймгийн Мандал сумын багачууд ч хамрагдаж байжээ. Аяллын хөтөлбөрийг сурагчдын саналаар гаргадаг бөгөөд өдөрт хоёроос гурван газартай танилцдаг аж. Тус компанийн ерөнхий менежер Т.Ганбаатар “Багш нар байгалийн ухааныг онолоор заадаг. Харин бид гараар бариулж, нүдээр үзүүлдэг учраас илүү өгөөжтэй байдаг” гэв.