Хоёр жил шахамын хугацаанд үргэлжилсэн Европын орнуудын өрийн хямралыг шийдэх бодитой алхамыг Европын удирдагчид өчигдөр хийсний дараахан нь зэс болон никель, хар тугалга, цагаан тугалга, никель, цайр зэрэг металын үнэ 4-6 хувиар өсчээ.
Өчигдөр нэг тонн зэсийн шууд худалдааны үнэ Лондоны металын биржид 7700 гаруй ам.доллар байсан бол одоо 8000 ам.доллар давчихаад байна.
Харин Нью-Йоркийн бирж COMEX-д нэг тонн зэс 8150 орчим ам.доллараар худалдаалагдаж байна. Мөн бусад металын үнийн хувьд, тухайлбал нэг тонн никель 19895 ам.доллар, хар тугалга 2040 ам.доллар/тонн, цайр 1944 ам.доллар/тонн болж тус тус өсчээ.
Хэдийгээр АНУ-ын эдийн засгийн байдал хүндрэх хандлагатай байгаа ч, Грекийн Засгийн газрын нийт өрийн хагасыг Европын холбооноос цайруулах шийдвэр гаргасан нь хөрөнгө оруулагчдын итгэлийг ихээхэн сэргээсэн нь тодорхой байна.

Б.Төгс