Эгнэсэн шагай шиг шижигнэсэн залуучууд уншигч авхай таныг “Болзоонд урья” гэнэ. Зүрхнээс гарах хөг аялгуу, хэмнэл, мэдрэмж бүрээ танд л зориулахаар тэд таныг мэхийн ёслон урьж байна. Хөгжмийн зохиолч О.Эрдэнэбатын анхны бие даасан “Болзоонд урья” хэмээх тайлан тоглолт Монгол бөхийн өргөөнөө маргааш болох аж. Эрхэм хөгжмийн зохиолчийн сэтгэлээс гарсан аялгуу бүхэн шүлгийн шад бүрийг хөглөн дуу болон эгшиглэж таны сэрэл мэдрэхүйд хүрэх болсоор хэдэн намрыг үдэж. Сэтгэлийн тань гүнд баяр, баясгалан бэлэглэж, уйтгар гунигийг үргээх тэр бүх аялгууг маргааш та сонсч “Өө энэ чинь Эрдэнэбатын хөгжим байсан юм уу” хэмээн нууцлаг нэгэн эрхэмтэй нүүр тулан золгох юм.