Монгол Улсын Сангийн сайд С.Баярцогт, АНУ-аас Монгол Улсад суугаа Онц бөгөөд Бүрэн эрхт элчин сайд ноён Жонатан Эдлтон нар Монгол Улсад үзүүлэх хөгжлийн тусламжийн хүрээнд 6,2 сая ам.долларыг нэмж зарцуулах гэрээнд маргааш гарын үсэг зурах гэж байна. Уг арга хэмжээ маргааш өглөө 09.30 цагт Төрийн ордонд болох ажээ.

Монгол Улсад ардчилсан өөрчлөлт шинэчлэлийг гүнзгийрүүлэх, чөлөөт эдийн засгийн тогтолцоог бүрэлдүүлэхэд АНУ-ын Засгийн газар тусламж үзүүлсээр ирсэн. АНУ-ын Олон улсын хөгжлийн агентлаг (USAID) 1991 оноос хойш нийт 214 сая ам.долларын буцалтгүй тусламж үзүүлээд байна. Монгол Улс нь АНУ-ны Мянганы сорилтын сангаас 285 сая ам.долларын буцалтгүй тусламж авах Ерөнхий гэрээнд 2007 онд гарын үсэг зураад хэрэгжүүлэх шатандаа байгаа юм.

                                Д.ОЮУН