Их дээд сургуулийн дип­лом монгол
бичгээр хэв­лэг­дэнэ гэнэ. Бас болоогүй Ерөн­хийлөгчийн Тамгын газ­рын
албан хаагчид бүгд мон­гол бичгийн сургалтад сууж байгаа юм байна.
Мон­гол бичиг маань дэлхийн хавт­гайрал, хил хязгааргүй өр­сөл­дөөнт
хөгж­лийн явцад су­гарч үлдэх гээд байгаа юм биш үү. Тэгэхээр монголчууд
уйгаржин монгол бичгээ авч үлдэхийн тулд мэргэжлийн дипломыг хүртэл
монгол бичигт хөрвүүлж хэ­рэглэх гээд байгаа юм бай­на. Энэ ажил үнэхээр
цаг үеэ олсон, зөв санаачилга юм шиг ээ. Тэгэхээр бид босоо бичгээ авч
үлдэхийн тулд өдөр тутмынхаа хэ­рэглээнд нэвтрүүлээд авах зүй ёсонд
нийцэх байх. Аль 2008 онд уйгаржин монгол бичгийг түгээн дэлгэрүүлэх
Засгийн газрын тогтоол хүртэл гарч л байсан. Энэ бүхнийг
хэ­рэг­жүүлдэггүй байсан нь тө­рийн буруу шүү дээ. Ер нь уйгаржин монгол
бичгийг авч үлдэх боломж байна. Хамгийн түрүүнд нийтийн тээврийн
автобусны чиглэлүүдийг мон­гол бичиг болгох хэрэгтэй. Дараа нь яам,
тамгын газрууд, нийслэлийн төр захиргааны байгууллагуудын хаягийг монгол
бичиг болгох хэрэгтэй. Мөн МИАТ-ын онгоцны ха­жуу бөөрөөр нь бичээстэй
байдаг гадаад үгсийг босоо монгол бичиг болгох хэ­рэг­тэй. Бид ингэж л
өдөр ту­тамдаа хэрэглэдэг үгсийг мон­гол бичигт оруулснаар “ус­тах”
гэсэн аюулаас нь бага ч гэсэн гарч болох юм. Мөн төрийн албан хаагчдын
шал­галтыг монгол бичгээр ав­даг болбол ямар вэ. Аягүй бол шалгалтын
материалыг за­сах нөхдүүд нь уг бичгийг мэд­дэггүй бол балрах юм бай­на
аа. Цаашлаад ерөнхий бо­ловсролын сургуулиудын мон­гол бичгийн багш
нарын чад­вар, чадамжийг сайжруулах хэ­рэгтэй. Одоогийн багш нар “Хүмүүн
бичиг” сонинг су­рагчдаар захиалуулж түүнийгээ хуу­луулаад суулгадаг нь
нууц биш болоод удлаа. Багш бо­ловсон хүчнийхээ асуудлыг сайжруулж
авахгүй бол энэ бичиг устахаас яахав дээ. Мөн УИХ-ын гишүүн болохоор
сонгуульд өрсөлдөж байгаа хүмүүсээс монгол бичгийн шал­галт авах
хэрэгтэй. Бүр за­рим нэгээс нь минутын унш­лага авсан ч болохгүй гэх
газаргүй юм. Ингэж хаа хаанаа энэ бичиг соёлоо авч үлдэхийн тулд зүтгэх
шаардлагатай бай­на аа. Гэхдээ энэ бичиг чинь олон залуусыг алдаатай
бич­дэг болгосон шүү дээ. Мон­гол бичгийн хичээл дээр “Абу ажил даган
ябуба” гэж сур­чихаад монгол хэлний хичээл дээр “Аав ажилдаа явав” гэж
бичүүлээд байхаар ямар хүн зөв бичих вэ дээ.