Ц.Чулуунбатын охид анхны шагналаа өчигдөр хүртлээ. “Anemone” хамтлагийнхан “Mongolian Music Video awards-2011” наадмын “Шилдэг имиж бүрдүүлэлт” номинацид “Хаврын хайр” дуугаараа шилдгээр тодорсон юм. Харамсалтай нь, “Anemone” хамтлагийн охид өчигдөр ёслолын ажиллагаанд хүрэлцэн ирээгүй учир хамтлагийн продюсер Ц.Чулуунбат шагналыг нь гардан авав. Тэрбээр хэлэхдээ “Саяхан манай “Харанга” хамтлаг нэг сар орон, нутагт аялан тоглолт хийгээд ирсэн. Тэгсэн харин намайг харсан хүмүүс “Хөөх, Anemone” гэж байх юм. Би чинь Anemone хамтлаг биш шүү дээ. Манай охид анхны шагналаа авч байгаад баяртай байна. “Anemone”  дээрээ есөн эгчтэй, доороо найман дүүтэй шүү” хэмээн бяцхантайлбар хийв.