2008 оны долдугаар сарын 1-ний үймээнммй үеэр таван хүн амь насаа алдсан хэрэгт цагдаагийн  дарга нарыг холбогдуулан шалгаж байгаа. Хэрэгсэхгүй болоод байсан хэргийг сэргээн шалгаж, өнгөрсөн долоо хоногт нийслэлийн Прокурорын газарт яллах дүгнэлт үйлдүүлэхээр шилжүүлсэн ч дахин нэмэлт мөрдөн байцаалтад буцаажээ. Учир нь мөрдөн байцаалт дутуу, нэмж шалгах зүйл байна  гэж үзсэн байна. Уг хэрэгт Цагдаагийн ерөнхий газрын даргын үүрэг гүйцэтгэгч асан, хошууч генерал Ч.Амарболд, нийслэлийн Цагдаагийн газрын дарга асан, хурандаа Д.Зоригт, Эргүүл хамгаалалтын газрын дарга асан, хурандаа Ш.Батсүх, Хэв журмын хэлтсийн дарга асан Г.Ганбаатар нарыг холбогдуулан шалгаж байгаа.

Тэдэнд Эрүүгийн хуулийн 294.2 дахь хэсэгт зааснаар  буюу эрх мэдлээ урвуулан ашиглах, хэтрүүлэх, хэрэгжүүлээгүйгээс  онц их хэмжээний хохирол, хор уршиг учруулсан гэх үндэслэлээр буруутгаж  байгаа аж.