Дундговь аймагт жижиг дунд үйлдвэрлэл эрхлэгчдийн “Бизнесээ эхлэе, бизнесээ хөгжүүлье” сургалтыг Хүнс хөдөө аж ахуй, хөнгөн үйлдвэрийн яам, Жижиг дунд үйлдвэрийн газраас эрхлэн зохион байгууллаа. Жижиг дунд үйлдвэрийг дэмжих “Баян зүрх” сургалтын төвөөс мэргэжилтэн багш нар ирж удирдан явуулсан тав хоногийн энэ сургалтад 120 гаруй бизнес эрхлэгчид харагдлаа.  Сургалтад хамрагдагсад  жижиг дунд үйлдвэрийг хөгжүүлэх сангаас зээл авсан иргэд, байгууллагынхан юм.  Жижиг дунд үйлдвэр хөгжүүлэх зээлд тус аймгийн 160 гаруй иргэн, аж ахуйн нэгж хамрагдаад байгаа бөгөөд энэ онд  жижиг дунд үйлдвэрлэл эрхлэгчдийн ирүүлсэн төсөлд  1,3 тэрбум төгрөг олгоод байна. Гэтэл ийм төрлийн үйлдвэрлэл эрхлэхээр зохиож, ирүүлсэн ч хуваарилагдсан хөрөнгө хүрэлцээгүйгээс хүлээгдэж байгаа төслүүдэд одоо 800 сая төгрөг шаардлагатай байна.Ийнхүү Дундговь аймагт жижиг дунд үйлдвэрлэл эрхлэгчдийн эгнээ тэлж бизнесээ эхлэх, бизнесээ хөгжүүлэх сургалтад өргөн хамрагдаж байна.