Монголын дартсын холбоо, АПУ ХК-ийн “Боргио” брэнд хамтран зохион байгуулдаг дартсын “Боргио Кап” тэмцээн өнгөрөгч амралтын өдрүүдэд болов. Тус тэмцээнийг улирал бүр нийслэлийн хэмжээнд дартс сонирхогчдын дунд зохион байгуулах болсон юм. Энэ удаагийн тэмцээнд нийт 16 багийн 80 гаруй тамирчин өрсөлдсөн байна. Улмаар “Ахан дүүс” баг тэргүүн байрт шалгарсан бол “Гурван од” баг хоёрдугаар, “Power” баг гуравдугаар байрт шалгарчээ.

Тэмцээний цар хүрээ, чанар чансаа, өрсөлдөгчдийн тоо улирал бүр нэмэгдэж, тэр хэрээр өрсөлдөөн ширүүсч байгааг тэмцээнд оролцсон тамирчид онцолж байлаа.

“Боргио Кап”-ын дараагийн улирлын тэмцээн ирэх арваннэгдүгээр сарын 26-нд болно.