Шадар сайд М.Энхболдын санаачлагаар "Аврагч" биеийн тамир спортын хороо байгуулагдаж байсан бол өнөөдөр Спортын ордон үүдээ нээлээ.  Тус спорт заалыг 1.3 тэрбум төгрөгийн өртөгтэйгээр босгожээ. Нийт 1843.8 ам дөрвөлжин талбайтай, 256 хүний суудалтай, спортын ордон нь заал, оффисын танхим, бүс болон олон улсын тэмцээн зохион байгуулах боломжтой юм байна. Онцгой байдлын ерөнхий газрыг шинээр байгуулснаас хойш найм дахь жилийнхээ нүүрийг үзэж буй бөгөөд аврагчдын хувьд спорт заалтай болох нь ажил мэргэжлийнхээ хажуугаар спортоор өрсөлдөх бэлтгэл сургуулилтаа хийх боломж нөхцлийг бүрдүүлж өгч байгаа аж.