Боловсрол, соёл, шинжлэх ухааны яамнаас эрдмийн зэрэг хамгаалсан залуу эрдэмтдэд тэтгэлэг олгожээ.

45 нас хүртэлх судлаачдын судалгааны ажлыг инноваци болгох, шинэ үеийн эрдэмтэн бэлтгэх зорилготой сайдын нэрэмжит докторын дараах тус тэтгэлгийг ЭМШУИС-ийн Г.Ариунтуул, Д.Тэмүүлэн, МУИС-ийн Ч.Сономдагва, Мал эмнэлгийн хүрээлэнгийн Р.Одбилэг, ШУТИС-ийн М.Дэлгэрмаа, ХХТХ-ийн Д.Гүнбилэг, С.Энхтуул, Ш.Нямдэлгэр зэрэг залуу эрдэмтэд гардан авсан байна.

2005 оноос тус яамнаас жил бүр залуу эрдэмтдэд 10 сая төгрөгийн энэхүү тэтгэлгийг олгож эхэлсэн бөгөөд нийт 70 судлаач тэтгэлэг аваад байна.