FIFA буюу Олон улсын хөлбөмбөгийн холбооны удирдлага өчигдөр Швейцарийн Цюрих хотноо байрлах төв байрандаа хуралдаж, 2014 онд Бразилид болох хөлбөмбөгийн дэлхийн аварга шалгаруулах 20 дахь удаагийн тэмцээний тоглолтын хуваарийг батлан гаргажээ. Дэлхийн аваргын нийт 64 тоглолт Бразилийн 12 хотод болно. Сау-Паулу хотод 2014 оны зургадугаар сарын 12-нд нээлтийн тоглолт болох бол хамгийн онцгой, хамгийн гайхалтай финалын тулаан Рио-де-Жанейро хотноо болох аж.

Зохион байгуулагч орон болох Бразилийн шигшээ баг уламжлалын дагуу А хэсгийг тэргүүлэх тул дэлхийн таван удаагийн аваргууд Сау-Паулу хотноо дэлхийн аваргын нээлтийн тоглолтоо хийх болж байна. Харин хэсгийн шатны бусад хоёр тоглолтоо Форталеза болон Бразилия хотод хийхээр хуваарь таарчээ.

Харин тоглолт эхлэх цагийн тухайд /Монголын цагаар/:

Нээлтийн тоглолт: 03.00 цагт
Хэсгийн шатны тоглолтууд: 23.00, 02.00, 05.00, 08.00 цагаас тус тус
Шөвгийн 16-гийн тоглолтууд: 23.00, 03.00 цагаас
Хагас шигшээ тоглолтууд: 03.00 цагаас
Хүрэл медалийн төлөөх тоглолт: 03.00 цагаас
Аваргын төлөөх тоглолт: 02.00 цагаас тус тус эхлэх юм байна.

Дэлхийн аварга шалгаруулах тэмцээний тоглолтын хуваарийг бүрэн эхээр нь үзэхийг хүсвэл ЭНД дарна уу.