3,428.91
Холливудын жүжигчин Уилл Смит болон түүний эхнэр Жада Пинкетт нар NBA-ын “Филадельф-76” багийн хувьцааны тодорхой хувийг эзэмших болсон. Сагсан бөмбөгт угаас “хорхойтой” жүжигчин залуу энэ долоо хоногт эхнэрийнхээ хамт NBA-ын багийн хувьцаа эзэмшигч болжээ.
Женнифер Лопез, Марк Антони нар эв түнжин хагарч, гэр бүлээ цуцлуулахын өмнөхөн NFL-ийн “Дольфинс” багийн хувьцааг хамтран эзэмших болсон юм. Майамигийн халуухан хосууд салснаар багийн хувьцааг чухам хэн нь эзэмших вэ гэдэг асуудал одоо ч тодорхойгүй байна.
Дуучин Жон Бон Жови сэтгэлийн угтаа бол “Жерси”-гийн фен. Гэхдээ тэр “Филадельф Соул” багт хөрөнгө оруулснаас гадна түүний найз Ричи Самбора ч мөн тус багийн хувьцааны нэгээхэн хэсгийг эзэмшдэг гэнэ.
Хип-хоп могул Жей-Зи “Нью-Жерси Нэтс”-ийн хувьцаа эзэмшигч. Зав л гарвал NBA-ын талбай дээрх ширүүн тулааныг тухлан үздэг тэрбээр Нью-Жерси хотын багийг Бруклин рүү нүүлгэх ажилд ихээхэн нөлөө үзүүлсэн нэгэн.
Талбайн теннисний ертөнцийн супер одод болох эгч, дүү Уильямс “Майами Дольфинс” багийн эзэд. Тус багийн хувьцаа эзэмшигчдийн дотор дээр дурдсанчлан Марк Антони, Женнифер Лопез нарын нэр ч “цохиж яваа”
“Майами Дольфинс”-ийн хувьцаа эзэмшигчдын бас нэг нь дуучин Глория Эстефан.
R&B дуучин Ашер NBA-ын “Кливлэнд Кавальерс” багийн хувьцааны тодорхой хувийг худалдан авчээ.
Австралийн жүжигчин Рассел Кроу нутгийнхаа үндэсний регбийн лигийн “Саут Сидней Раббитос” багийн эзэн.
Жей-Зи “Нэтс”-ийн хувьцаа эзэмшигч болсны дараахан реппер дуучин Нелли ч мөн NBA-д нэгдсэн. Тэрбээр NBA-ын амьд домог Майкл Жорданы адил “Шарлотт Бобкэтс” багийн эздийн нэг ажээ.
