“Монголын иргэний агаарын тээвэр” компанийн хамгийн азтай захирлаар Ц.Ор­хоныг тодруулж болохоор үйл явдал өнгөрсөн даваа гарагт то­хиолоо. Монгол Улс түүхэндээ анх удаа шинэ онгоцтой боллоо. Улсын төсвийн орлого төлөвлөснөөс давж, стратегийн ордууд эргэлтэд орж эхэлж байгаа энэ үе Монгол Улсын иргэдэд шинэ онгоцоор ни­сэх боломж олголоо. Мөн энэ эгзэг­тэй үед МИАТ ХК-ийн гүйцэтгэх за­хир­лаар ажиллаж буй Ц.Орхоныг аз­тай захирлаар нэрлэхэд хүргэж байгаа юм. Тэрбээр жил гаруйн өмнө МИАТ ХК-ийн гүйцэтгэх захирлын ту­шаалд томилогдсон бөгөөд түүнээс хойш компаниа өрнөөс салгахын тулд бүх л нөөц бололцоогоо дайчлан ажилласан билээ. Ажлаа авснаасаа хойш компанийнхаа үр ашгийг огцом нэмэгдүүлснийг түүний гүйлгээ ухаантайнх гэлцдэг. Өнгөрсөн сард хоёр ч удаа нислэг саатсан гэдэг үндэслэлээр техник, технологийн элэгдэлд орсон гэсэн онош тавиулаад байсан МИАТ-ийнхан “Бидэнд хам­гийн гол нь зорчигчдын аюулгүй бай­дал. Анхааруулах дохио ассан л бол бид нислэгийг саатуулах ч эрх­тэй” хэмээн хариулж байсан. Ийм хариуцлагатай газрын захирал    нуруун дээрээ ямар их үүрэг, ха­риуцлага “ачиж” явдаг нь ойлгомжтой. Тэрбээр үүргээ сайн бие­лүүлж, хариуцлагаа ухамсарлаж бай­гаа нь ажлынх нь үр дүнгээс тодорхой харагдаж байна. Монголын нисэх хүчний 86 жи­лийн ойн баяр, иргэний нисэхийн бай­гууллага үүсэж байгуулагдсаны 54 жилийн ойн босгон дээр МИАТ ком­пани «Бойнг-767» загварын шинэ он­гоцтой болсон нь зөвхөн МИАТ-ийнх­ний биш монголчуудын баяр юм.