13 дахь удаагийн Шанхайн олон улсын урлагийн их наадам өнөөдөр эхэлж байна. Наадам бүтэн сар үргэлжлэх бөгөөд нийт 50 концерт, тоглолтууд болно. Үүний 27 нь гадаад орных. Тухайлбал Берлиний симфони найрал хөгжим бие даасан тоглолтоо сонирхуулж, харин Шанхайн найрал хөгжим Италийн удирдаач, хэдхэн хоногийн өмнө сонгодог урлагийн ертөнцийн хамгийн том шагнал болох, Биржит Нилссоны нэрэмжит шагнал нэг сая ам.долларыг гардсан Рикардо Мютигийн дохиурын дор эгшиглэнэ.

Гуанжоугийн театр Бээжин ший сонирхуулж, Шанхайн театр “Цөмөөхэй” балетийг толилуулах ажээ. Наадмын үеэр олон тооны үзэсгэлэн, яармаг, хэлэлцүүлэг болно. Уг наадам Азид болдог олон улсын урлагийн хамгийн том арга хэмжээ бөгөөд Хятадын Соёлын яам, Шанхай хотын засаг захиргаа хамтран зохион байгуулдаг юм.