Улаанбаатар хотод өнөөдөр багавтар үүлтэй. Хур тунадас орохгүй. Салхи баруун хойноос секундэд 5-10 метр. Шөнөдөө 1-3 градус хүйтэн, өдөртөө 14-16 градус дулаан байна. Өнөөдөр, маргаашдаа бүх нутгаар хур тунадасгүй, өдөртөө дулаан байна хэмээн Ус, цаг уурын хүрээлэнгээс мэдээллээ.

Энэ долоо хоногийн цаг агаарын урьдчилсан мэдээгээр аравдугаар сарын 19-нд буюу маргааш баруун зүгийн нутгийн зарим газар, төвийн нутгийн баруун хэсгээр, 20-нд төвийн нутгийн зарим газар, 21-нд баруун болон төвийн нутгийн зарим газар, зүүн зүгийн нутгийн хойд хэсгээр, 22-нд ихэнх нутгаар, 23-нд нутгийн зүүн хагаст хур тунадас, цас орно. Мөн маргаашнаас эхлэн баруун болон төвийн нутгийн зарим газраар, 20-21-нд говь талын нутгаар салхи ширүүсч, 22-нд нутгийн өмнөд хэсгээр, 23-нд нутгийн зүүн хэсгээр салхи секундэд 16-18 метр хүртэл ширүүсч, шороон болон цасан шуурга шуурах төлөв ажиглагджээ.

Ойрын гурав хоногт ихэнх нутгаар дулаан байх боловч 20-нд нутгийн баруун хэсгээр цаашдаа ихэнх нутгаар хүйтэрч Алтай, Хангай, Хөвсгөл, Хэнтийн уулархаг нутгаар шөнөдөө 10-15 градус, өдөртөө 1-6 градус хүйтэн, Алтайн өвөр говь болон говийн нутгийн өмнөд хэсгээр шөнөдөө 0-5 градус, өдөртөө 6-11 градус дулаан, бусад нутгаар шөнөдөө 3-8 градус хүйтэн, өдөртөө 1-6 градус дулаан байна хэмээн Ус, цаг уурын хүрээлэнгээс мэдээллээ.