Лондоны хөрөнгийн биржийнхэн Мон­голын Хөрөнгийн биржийн менеж­ментийг шинэчилж байгаа. Тэд уг шинэчлэлийнхээ хүрээнд дэл­хийн хамгийн хурдан арилжааны компьютерийн систем гэгдэх “Millennium IT” программыг Монголын Хөрөнгийн биржид суурилуулахаар болсон. Уг системийг Монголын Хө­рөнгийн биржид суурилуулах үйл ажиллагааныхаа зардалд 14 сая ам.доллар гаргуулсан. Нийт зард­лын 11 сая ам.долларыг техник техно­логийн шинэчлэлд зориулж, үлдсэн гурван сая ам.долларыг Лондоноос ирж ажиллаж буй багийнхны ца­лин, урамшуулалд тооцох болсон гэд­гээ мэдэгдэж байсан. Тухайн үед 14 сая ам.долларыг гаргуулах са­на­лыг нь олон хүн шүүмжилж бай­сан ч үйл ажиллагааны зардалд гаргахаас өөр аргагүй хэмээн гаргуулж байсан. Тэгвэл Лондоны Хө­рөнгийн бир­жийнхэн шинэ программ нэвтрүүлж байгаатайгаа холбоо­той­гоор Үнэт цаасны төлбөр тооцоо төв­лөрсөн хадгаламжийн төвийг Монголын Хөрөнгийн биржтэй нэгт­гэх саналыг гаргасан. Харин Лон­доны Хөрөнгийн биржийнхний тавьсан саналыг холбогдох албаных нь хүмүүс хоёр талтай хүлээн авч байна.

Монголын Хөрөнгийн биржийн гүйцэтгэх захирал Х.Алтай “Англи­чууд Үнэт цаасны төлбөр тооцоо төв­лөрсөн хадгаламжийн төвийг Монголын Хөрөнгийн биржид нэгт­гэх санал тавьсан нь үнэн.  Энэ сана­лыг Монголын Хөрөнгийн бир­жийнхэн судалж байгаа. Үнэт цаас­ны төлбөр тооцоо төвлөрсөн хад­галамжийн төвийг Монголын Хө­рөнгийн биржид нэтгэж таарах байх” гэсэн байр суурийг илэрхийлж байгаа юм. Харин Санхүүгийн зохи­цуулах хорооноос энэхүү саналыг боломжгүй гэж үзэж байгаа аж. Тус хорооны дэд дарга Б.Даажамба “Үнэт цаасны төлбөр тооцоо төвлөрсөн хад­галамжийн төвд Монгол Улсын бүх мэдээлэл бий. Энэ мэдээлэл манай улсын маш чухал нууцын зэрэглэлд багтдаг. Тий­мээс энэ асуудлыг Тагнуулын ерөнхий газрынхан эцэслэн шийднэ” гэж байгаа юм.

Лондоны Хөрөнгийн биржийнх­ний тавьсан эхний саналыг Монгол­чууд хүлээж авсан. Харин тэдний тавьж буй дараачийн санал нь Монгол Улсын нууцад халдаж буйг албаны хүмүүс хэлж буй юм. Англичууд манай Хөрөнгийн биржийг орвонгоор нь эргүүлэхээр шийдсэн юм болов уу.