Хошин урлагийнхан бусдад инээд бэлэглэж явсаар өөрсдийгөө мартаж орхидог бололтой. Хэдхэн сарын өмнө жүжигчин Б.Баатархүү Герман улсад мэс засалд орж бие нь сайжраад ирсэн. Тэгвэл эдүгээ олны хүндэтгэл хүлээсэн жүжигчдийн нэг Амбий буюу Ц.Батхуяг Тайвань улсад хорт хавдрын мэс засал хийлгээд иржээ. Хэдийгээр мэс засал амжилттай болсон ч жүжигчний биеийн байдал одоогоор сайнгүй байгаа гэнэ. Хэрвээ түүнд дахин гадагшаа явж эмчилгээ хийлгэх шаардлага гарвал хошин урлагийн хамтлагууд нэгдэж хандивын тоглолт хийх юм байна.