Улсын Дээд шүүхийн иргэний хэргийн танхимын шүүх хуралдаанаар Монголын Ногоон намын ээлжит их хурлаас намын дүрэмд орсон өөрчлөлтийг бүртгүүлэх тухай хүсэлтийг хянан хэлэлцээд дүрмийн өөрчлөлтийг хүлээн зөвшөөрч бүртгэжээ.

Монголын Ногоон намын удирдлага, гишүүд өнгөрөгч наймдугаар сарын 28-нд  их хурлаа хийж, дүрэмдээ өөрчлөлт оруулсан юм. Улмаар есдүгээр сарын 5-нд Дээд шүүхэд  материалаа хүргүүлжээ.

Дүрмийн өөрчлөлтийг бүртгэх хуралд тус намын дарга С.Маам, ерөнхий нарийн бичгийн дарга  Б.Наранбаатар, Ногоон намын хуулийн зөвлөх О.Баасанхүү нар хүрэлцэн иржээ.

 Харин шүүгчээр  Ц.Амарсайхан, н.Тунгалаг, н.Бямбаа нар оролцсон байна.