Энэ оны хамгийн анхны шар айрагны фестиваль буюу “Их хотын баяр” найм хоногийн турш залууст хамтлаг, дуучдын амьд тоглолт үзэж, авхаалж самбаа шаардсан тэмцээнд хүч сорьж, найз нөхөдтэйгээ хэсэг хугацаанд стрессээ тайлж доргих боломжийг олгосон билээ. Тиймдээ ч ажлын алжаалаа тайлж, сэтгэлээ сэргээхийг хүссэн хэн бүхэн “Их хотын баяр”-ыг зорьж, үдэш бүрийнх нь гайхалтай, сонин содон үзүүлбэрүүд нь их хотын залуусын дунд жинхэнэ сенсаци тарьж чадсан юм. Нэг литрийн шар айргийг хамгийн хурдан уусан нь аваргалах тэмцээнд шалгарсан залуус “Fusion” брэндийн “Party Box” тэргүүтэй брэндийн нэрэмжит бэлэг гардаж, “Их хотын баяр” үдэш бүр танхим дүүрэн зочинтой, цаг хором бүр доргио байж, “Камертон”, “Люмино” L-Guards, Нисванис хамтлаг, Анхаа, Халиун, БЦДБЧ-ын бөмбөрчид болон хамгийн доргио МС Алтанхуягтай хамтдаа мартагдашгүй мөчүүдийг өнгөрүүлсэн. Зах зээлд нэвтэрч, хэрэглэгчдэд хүрсэн цагаасаа хойш үргэлж сонголтынх нь тэргүүнд бичигдэх болсон “Fusion”, Хархорин, Алтанговь болон монголын №1 шар айраг “Боргио” брэндээр амьсгалж, их хотын хавар, их хотын залуусын амьдралд нэгэн шинэ, өөр өнгө төрхийг авчирсан шар айрагны фестиваль өнгөрөгч баасан гаригт өндөрлөх байсан. Гэвч “Их хотын баяр”-ын бүхий л сэтгэл хөдөлгөм үйл явдал, дэндүү доргио фестивалийг дуусгахыг залуус хүссэнгүй. Тэдний хувьд нэгэн хэвийн амьдралд нь огт өөр уур амьсгал бий болгож, ертөнцийг шинээр мэдрэх боломж олгосон, рок, попын нүсэр цугларалт, үдэш бүр тансаг аялгуу, сэнгэсэн шар айрагтай хослосон баярт тэр бүр очих боломж байдаггүй. Энэ жилийн хувьд АПУ компаниас урин дулаан цагт зохион байгуулах залуусыг, ард түмнээ яг үүн шиг уриалан дуудах олон олон арга хэмжээнүүд төлөвлөгдөөд байгаа юм байна.Их хотын залуус энэ удаа намрыг хүлээх бус харин “Их хотын баяр”-ыг хоёр өдөр үргэлжлүүлэн сунгахыг хүссэн тул амралтын өдрүүдэд “Их Монгол” ресторан шар айрагны баярын хөлд дарагдсан хэвээр, зочдын баяр хөөрөнд умбаж өнжсөн юм. Ийнхүү шар айрагны баяр үзэж харах зүйл ихтэй, бие биедээ сонирхуулж ярих олон сонинтой, сэтгэлд хоногшсон баяр болж өндөрлөлөө. Эдгээрээс хамгийн онцлууштай нь их хотын залуусын дунд төдийгүй бүх нийтийн дунд сенсаци тарьсан юм. Тодруулбал, шар айрагны дуудлага худалдаагаар олсон орлогыг хүүхдийн төлөөх энэрэнгүй үйлсэд зориулсан юм. Монголынхоо ирээдүй болсон хүүхдүүдийн эмчилгээ, үйлчилгээнд тусалж тэдний эрүүл мэндийн төлөөх үйлсэд хувь нэмэр оруулж буй нь нийгэмд, бусдад үлгэр болох нь лавтай. Сайхан сэтгэл, хүмүүнлэг үйлсэд “Их хотын баяр”-т очсон залуус хувь нэмрээ оруулсан хэмээн бахархах нь ч бас зүй ёсных.
“Их хотын баяр”-ын өөр нэг том сенсаци нь шар айрагны борлуулалт байв. Өөрөөр хэлбэл, урьд өмнөх шар айрагны баяруудын үзүүлэлтийг хол давсан буюу 10 гаруй тонн шар айраг зарагдсан. Энэ нь “Их хотын баяр” залуусын хүсэн хүлээдэг, очих дуртай, нэг ирсэн хүнийг дахин дахин соронздон татдаг баяр болсныг харуулж буй юм.
Шар айрагны фестивалийн олон олон сенсацийн нэг нь мэдээж яах аргагүй “Камертон” хамтлагийн тоглолт. Арав, хорин мянган хүн цуглуулж, тоглолтоо хийдэг байсан тус хамтлагийн залуус сүүлийн жилүүдэд тусдаа уран бүтээл туурвиж буй. Үнэнч фенүүд нь тэднийг бүрэн бүрэлдэхүүнээрээ нэгэн тайзнаа дуулж, тоглолтоо үзүүлээсэй хэмээн хүсч байсан. Эл хүслийг “Их хотын баяр” биелүүлж, “Камертон”-ы залуусыг баярын турш фенүүдтэй нь хамт байх боломжийг олгосон билээ.Энэ бүгд их хотын сенсаци байлаа.
“Их хотын баяр” ийн өндөрлөлөө, гэхдээ их хотод тарьсан сенсаци нь хүн бүхний сэтгэлд үлдэж, амнаас ам дамжин яригдсаар… Залуус “АПУ” компаниас зохион байгуулах дараагийн арга хэмжээ юу байх бол гэж тэсэн ядан хүлээсээр…
